Shkelzen Osmani nga platforma Hibridi.info e cila merret me verifikimin e lajmeve ka thënë se zhvillimet politike që kanë ndodhur në këtë pjesë të vitit siç ka qenë dialogu e vendosja e barrikadave në veri, ka bërë që të ketë më së shumti dezinformata nga kjo fushë.
“Politika ka qenë fusha në të cilën është keqinformuar më së shumti, për shkak se zhvillimet kanë qenë më të mëdha. Në këto përfshihet zhvillimet për dialogun, vendosja e barrikadave në veri”, ka thënë Osmani në emisionin “Ditari” në Tëvë1.
Osmani ka treguar edhe për punën që bëjnë kundër dezinformimit nga mediat serbe.
Ai duke folur për rastin e të moshuarës që u rrahë në një qendër kujdesi në Pejë, rast të cilën mediat serbe tentuan t’i japin konotacion etnik, duke thënë se e moshuara është serbe dhe është rrahur nga shqiptarët ka thënë se kanë marrë veprime dhe u kanë argumentuar organizatave me të cilat bashkëpunojnë se ngjarja e paraqitur nuk është e vërtetë.
“Duke e parë këtë rrezik që qon edhe në konflikt ndër etnik, Hibrdi.info ka kontaktuar organizatat partnere dhe i ka sensibilizuar ato duke ju treguar fakte se ky incident nuk ka karakter etnik. Kemi arritur që një numër të madh të këtyre pretendimeve t’i largojmë nga interneti”, ka thënë ai.
Platforma për kontroll të fakteve, hibrid.info ka publikuar sot raportin që paraqet gjendjen e çrregullimit informativ në Kosovë me titull “Çrregullimi informativ në periudhën e dytë të vitit 2022”./teve1.info/
