Me të nuk po pajtohet as deputetja e së njëjtës parti, Ariana Shoshi – Musliu.
Se Kurti duhet të qëndrojë në pushtet deri në fund të mandatit, po e thonë edhe nga LDK-ja.
Por, ky subjekt politik ka një paralajmërim për kryeministrin.
As AAK-ja e Ramush Haradinajt, nuk është e gatshme ta dërgojë vendin në zgjedhje.
E më komod rreth kësaj deklarate po shihet pushteti.
Deputeti i Lëvizjes Vetëvendosje, Alban Bajrami, thotë se Faton Abdullahu duhet ta dijë se ka keq e më keq.
Zhvillimet në veri dhe deklaratat e zyrtarëve amerikanë, ku shprehën pakënaqësi ndaj qeverisë kosovare për vendimin rreth targave, ngjallën debat se a duhet të lihet Albin Kurti në pushtet.
Por, përkundër kësaj, edhe nëse do të dëshironin partitë opozitare rrëzimin e tij, teknikisht duket e pamundur, për shkak të mungesës së votave të nevojshme në Kuvend.
Ndërkohë dy liderët opozitarë, Memli Krasniqi dhe Lumir Abdixhiku, po qëndrojnë në Shtetet e Bashkuara të Amerikës, ku me zyrtarët e State Departamentit po diskutohen zhvillimet e fundit në Kosovë.
Kronika e gazetarit Arton Rama.
