Nushi në emisionin “Info Nata” në Tëvë1, u shpreh i bindur se Kurti do të tërhiqet nga vendimet e tij, por dorëheqje nuk do të jap pasi sipas tij “e do pushtetin shumë”.
“Është fatkeqësi se në çfarë gjendje e ka sjell ky kryeministër dialogun. Jam shumë kurioz se qysh do të del nga kjo situatë. Jam i bindur se do të tërhiqet nga vendimet e tij, sepse dorëheqje nuk jep se e do pushtetin shumë. Çdo kompromis e ka shit si fitore edhe ne këtë rast do të bëjë kompromis për tabelat dhe do të kthehet këtu e të thotë si unë nuk lëshova pe”, ka deklaruara ai.
Sipas tij, po të ishte përfunduar çështja e veriut para 10 viteve, kështu si po e përfundon Kurti sot, Kosova do të ishte në fazat e hershme të integrimit në BE-së
“Të kishim përfundu këtë punë para 10 viteve kështu si po e kryen Kurti sot, ndoshta tash do të ishim në fazat e hershme të integrimit në BE-së. Tash nuk ka as perspektiv për ne, as viza ende nuk kemi. Ne flasim për një marrëveshje që është nënshkruar para 10 viteve dhe po e aktualizojmë sot, ky është mëkati më i madh i Kurtit karshi këtij procesi të dialogut”, ka thënë Nushi. /Teve1.info/
