Përmes njoftimit, Gjykata thotë se të dyshuarit më 23 shkurt 2022, në pikën kufitare në Han të Elezit si anëtarë të një grupi kanë transportuar nga Turqia substancë narkotike të llojit “heroinë” me peshë prej 83 kilogramë.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se të pandehurit L.T., O.V., M.H., SH.D., F.K., A.K., A.A., më 23 shkurt 2022, në terminalin doganor në Hanin e Elezit, duke vepruar si anëtarë të grupit, pa autorizim kanë transportuar nga Turqia në Republikën e Kosovës, substanca apo preparate të cilat janë shpallur me ligj si narkotikë, të cilat substanca kanë pasur për qëllim të shpërndarjes, shitjes ose ofrimi për shitje, në atë mënyrë që me rastin e ndaljes dhe kontrollit të automjetit transportues është gjetur dhe sekuestruar substancë e dyshuar narkotike e llojit heroinë, me peshë të përgjithshme 83.592 gram, të cilat për destinacion ka pasur Prishtinën”, thuhet ndër tjerash në njoftim.
Po ashtu, kjo Gjykatë njofton se ankesa kundër këtij aktvendimi nuk e shtynë ekzekutimin e tij./teve1.info/
