Musliu tha se është momenti i fundit që politikanët të kujdesën për policët e Kosovës.
“Është momenti i fundit që ne si politikanë të kujdesemi për këta policë që ditë e natë kujdesën për neve”, tha ajo në një lidhje direkte nga Mitrovica në tëvë1.
Po ashtu, Musliu tha se më e pakta që mund të bëjnë për Policinë e Kosovës është që ligjit për pensionim të tyre t’i thonë po.
Sipas saj, nuk mjafton që të bëhet sfilatë para policisë në veri, por të plotësohen kërkesat e tyre.
“Ne para pak ditësh e kemi paraqitur në komision edhe ligjin për pensionimin e policisë gjë që është refuzuar nga deputetët e shumicës. Uroj që kjo gjendje në veri t’i thërrasin në ndërgjegje të gjithë deputetët e Kosovës dhe në javën e ardhshme kur ky ligj do të procedohet në Kuvend t’i thonë po këtij ligji. Është më e pakta që këta djem dhe vajza të cilët me krenari po i shërbejnë vendit të tyre. Nuk mjafton vetëm të vijmë dhe të bëjmë sfilata para Policisë këtu, e as fotografi për Facebook, por ne duhet të jemi të përgjegjshëm ndaj kërkesave të këtyre policëve”, përfundoi Musliu. /Teve1.info./
