Megjithatë, Musliu ka thënë se Serbia qëndron shumë më mirë se Kosova.
“Serbia e ka shumë të qartë çështjen e dialogut, është barrikaduar, është pozicionuar qe shumë vjet dhe nuk lëviz nga pozicionet. Ndërsa kryeministri jonë vjen në pushtet duke thënë që s’merrna në dialog, nuk shkoj në dialog pa i gjet të zhdukurit, nuk shkoj pa i kërkuar falje familjeve të të zhdukurve dhe sot po i bën të gjitha dhe asnjëherë të paktën nuk ka kërkuar të kthehen të zhdukurit, as nuk i ka kërkuar falje familjeve të të zhdukurve e as të dëshmorëve”, ka thënë Musliu në Info Nata në Tëvë 1.
Musliu ka thënë se dialogu po vazhdon në mënyrë të çekuilibruar.
“Prandaj, nuk mundem të humb kohë në tema të cilat nuk janë përgjegjësi e imja, me këto tema ne jemi duke konsumu tepër energjinë”, ka shtuar ajo.
Sipas saj duhet të punohet më shumë për problemet e brendshme.
“Gjërat po rrjedhin keq brenda, qe 5 muaj nuk kemi drejtor të policisë, të gjitha ministritë e vendit i ke pa sekretar të përgjithshëm. Sot asnjë qytetar që është punëtor i administratës nuk e din se sa ka me marrë pagën më 1 shkurt sepse e mban mbyllur çështjen e koeficientit”, ka thënë Musliu.
