Ministri i Financave, Hekuran Murati, në arsyetimin e koeficientit të pagave me Ligjin e ri në vlerë 105 euro, ka thënë se paga mesatare në sektorin publik sipas Ligjit të ri do të jetë 730 euro.
Ai ka thënë se buxheti i ndarë për paga gjatë vitit 2023 është 105.5 milionë euro më i lartë.
“Buxheti i ndarë për paga këtë vit është më i larti në vlerë prej 105.5 milionë euro në krahasim me vitin e kaluar. Paga mesatare për shërbimin publik ka qenë 620 euro, ndërsa me Ligjin e Ri, pra me këtë koeficient do të bëhet 730 euro”, ka thënë Murati, raporton teve1.info.
Murati ka thënë se më këtë vlerë të pagës nuk hyjnë edhe shtesat.
Ai ka thënë se vlera e koeficientit është bërë bashkë me Ministrinë e Punëve të Brendshme.
“Me këtë Ligj shtohet edhe vlera e koeficientit po ashtu shtohet edhe mundësia që të krijohet fleksibiliteti i nevojshëm për lëvizjen e organizatave buxhetore apo tek tavanet e shtesave për vitin aktual, pra deri sa të vihet gjithçka në binar të kemi kalkulimet finale. Vlera e koeficientit është arrit valë bashkëpunimit edhe Ministrinë e Punëve të Brendshme nga të cilët janë mbledh të gjitha klasifikimet e pozitave të organizatave buxhetore. Vlera e koeficientin është pa shtesa”, ka thënë Murati./teve1.info
