Mungesa e barnave vazhdon të jetë edhe më tej problem aktual për qytetarët.
Shumë pacientë po detyrohen t’i i blejnë produktet medicinale nga xhepi i tyre dhe duke shpenzuar qindra euro.
Gjatë trajtimit në Qendren Klinike Univeristare të Kosovës, Mustafë Vitija, tregon se u detyrua të blejë një ilaç 90 euro, e që për të është dukshëm i kushtueshëm.
“Po ju tregoj diqka, 90 euro kom ble qe kuti e vogël, katastrofë për barna për te mjekt edhe për me prit”, tha qytetari Mustafë Vitija.
“Kom ndëgju llafe që ka mungesë të barnave”, deklaroi qytetari Ardian Berisha.
E i pari i Klinikës infektive, Arben Vishaj tregon se herë pas here ka mungesë të barnave, megjithëse sipas tij qëndrojnë mirë me funrizim.
“Në përgjithësi ne kemi për momentin barna, mungojnë disa herë pas here furnizimi me ndonjë antibiotik, por në prgjithësi jemi të furnizuar”, bën të ditur Vishaj.
Derisa ditë më parë ministri i Shëndetësisë, Arben Vitia, ka takuar anëtarët e Komitetit Kyç dhe anëtarët e nënkomiteteve teknike, për përditësimin e Listës së Produkteve Mjekësore dhe Materialeve Shpenzuese.
Gjatë këtij takimi, ministri Vitia ka theksuar se buxheti për barna dhe material shpenzues është rritur nga Qeveria e Republikës së Kosovës.
“Kemi rritur buxhetin për barna dhe material shpenzues për kujdesin primar në mbi 21 milionë euro, kurse për kujdesin dytësor dhe tretësor, në 36 milionë euro”, thonë nga MSH-ja.
Televizioni ka insistuar të informohet rreth listës së barnave esenciale nga SHSKUK-ja dhe MSH-ja, por të njëjtit nuk kanë kthyer përgjigjje.
Kronika e realizuar nga gazetarja Lendrina Kodrolli.
