Madje, ai në emisionin “Respublika” në Tëvë1 deklaroi se nuk mund të zbatojnë praktikat e qeverive paraprake duke rritur rrogat e mësimdhënësve.
“Ne kur kemi ardhë në ofertën tonë programore ndoshta për herë të parë në Kosovën e pas vitit 2008 nuk kemi premtu rritje rrogash për të fituar zgjedhjet. Kemi premtu rritje te cilësisë në arsim kjo ka qenë oferta jonë programore dhe me rritjen e cilësisë i kemi fitu zgjedhet populli e ka parë çfarë kanë ofru Qeveritë e mëhershme edhe ne çfarë kemi ofruar edhe e ka përqafu ofertën tonë”, tha ai.
Po ashtu, Muja thotë se frikësohet nga koincidenca e kohës së mbajtjes së grevave në sistemin arsimor, që nga viti 2016 kur ishte Demarkacioni me Malin e Zi.
“Sfida e parë që mendoj është se SBASHK-u pas vitit 2008 është shndërru besoj nuk ka ndryshu asgjë vullneti i Kosovës ka qenë të ndryshojë në zgjedhjet e fundit por që nuk kemi parë një reflektin në SBASHK mendoj që këto greva nëse i analizon në mënyrë kalendarike kur kanë ardhë grevat në arsim në vitin 2016 kur diskutohej për Demarkacionin, në 2018 kur diskutohej për ndarjen e Kosovës, tash kur jemi duke u ballafaqu me Serbinë. Kjo koeçidencë me frikëson pak”, tha ai.
Sipas tij, Sindikata e Bashkuar e Arsimit të Kosovës është përdorur nga Partia Demokratike e Kosovës si mekanizëm për disiplinim të kryeministrave që nuk i ka pasur nga rradhët e veta.
“Unë besoj që domosdoshmërisht kam dro ose dyshoj që SBASHK-u me kalimin e kohës jo mësimdhënësit është mirë të dallohen, i kemi 23 mijë mësimdhënës shumica i respektoj, por është një konjukturë e ngushtë që ka qenë në shërbim të PAN-it një kohë të gjatë nëse të kujtohet kur diskutohej për ndarjen e Kosovës, unë besoj që SBASHK-u është përdor si mekanizëm për disiplinimin nga PDK të kryeministrave që nuk i ka pasë nga rradhët e veta”, shtoi ai.
Tutje, ai përmend edhe 31 gushtin kur thotë se siguria e brendshme e Kosovës ishte sfiduar dhe se grevistët nuk kishin mirëkuptim fare për këtë gjendje.
“E dyta është koha kur ndodhi më 31 gusht ishte afati kur kishim tensionim të madh të situatës dhe potencialisht i keni parë edhe me video siguria e brendshme e Kosovës ishte sfiduar ndjeshëm dhe qerpiku si lëvizke për këtë çështje”, tha ai./teve1.info/
