Kreu i PSD-së, Dardan Molliqaj ka vizituar ish-krerët e UÇK-së që po mbahen në qendrat e paraburgimit në Hagë.
Përmes një postimi në Facebook, Molliqaj ka thënë se atje gjykohet UÇK-ja dhe paguhet ende çmimi i lirisë, përcjell teve1.info
“I pamë dhe i takuam të gjithë. Hashim Thaçin, Jakup Krasniqin, Kadri Veselin, Rexhep Selimin, Sali Mustafën, Pjetër Shalen, Nasim Haradinajn dhe Hysni Gucatin. Respektivisht, aty ishte politika e luftës; informimi e fjala e saj; zbulimi e guerilja; disiplina e mbikëqyrja. Bisedat tona janë endur, janë përzier e janë kryqëzuar. Disa prej tyre nuk i kishim njohur personalisht. Nga atje, Prishtina e vitit 2023 është shumë larg. Distanca është sidomos kohore”, ka shkruar ai.
Molliqaj ka theksuar se do të bëjnë gjithçka që munden për ta ndryshuar Ligjin për Dhomat e Specializuara.
“Emri i UÇK-së nuk mund të jetë nën akuzë. Kosova duhet të bashkohet për drejtësi. Për juristët e ardhshëm, padrejtësia në Hagë do të bëhet shembull, ilustrim unik për shkeljen e të drejtave”, është shprehura ai.
Së bashku me Molliqajn, në Hagë ishte dhe ish-kryetari i Kamenicës, Qëndron Kastrati. /Teve1.info/
