Minxhozi në “Info Nata” në Tëvë1, tha se ky plan nuk është pranuar vetëm nga Qeveria e Kosovës por edhe nga faktori politik, shoqëria civile e më gjërë.
Sipas tij, plani franko – gjerman është një bazë shumë e mirë për të filluar një diskutim.
“Është shumë e rëndësishme në rradhë të parë, kjo çasje duhet të pranohet nga palët deri tani kjo është pranuar nga pala kosovare, jo thjeshtë nga Qeveria por edhe nga faktori politik që është këtu por edhe më gjërë, edhe shoqëria civile, është një bazë shumë e mirë për të filluar një diskutim”, ka thënë Minxhozi.
Ambasadori, Minxhozi theksoi se polika është një ‘tango’, teksa shtoi se presioni ndërkombëtar është shtuar ndaj Serbisë.
“Çështja është se politka është një tango dhe është shumë e rëndësishme se çfarë qëndrimi mbajnë serbët që deri tash sinjalet nuk janë pozitive, ndaj edhe presioni ndërkombëtar është shumë i shtuar”, deklaroi ai.
Tutje, Minxhozi ka deklaruar se komuniteti ndërkombëtar po tregon shkallën e seriozitetit pas vizitave të shumta, e që sipas tij, kjo tregon që ata kërkojnë që t’i japin fund të gjitha konfikteve.
Ai përmendi edhe vizitat e vazhdueshme në Prishtinë e Beograd, teksa tha se krejt kjo po ndodh për të krijuar një trysni pozitive për t’u arritur një marrëveshje mes palëve që të ecët përpara.
“Fakti që komuniteti ndërkombëtar, partnerët tanë më të rëndësishëm kanë rritur shkallën e intensifikimit, të vizitave që janë shumë shumë të shpeshta tregon shkallën e seriozitetit që faktori ndërkombëtar kërkon që të japi një fund të gjitha konflikteve që janë këtu”, u shpreh Minxhozi.
“Prandaj në mënyrë të vazhdueshme, pothuajse të përjavshme janë vizitat si në Prishtinë ashtu edhe në Beograd për të krijuar një trysni pozitive që të arrihet në një marrëveshje përfundimtare midis palëve nëmënyrë që të ecet përpara”, shtoi ai.
Madje Minxhozi tha se kjo situatë e krijuar nuk është në interesin e Serbisë, sepse ajo fillimisht dëmton vetveten pastaj Kosovën dhe rajonin.
“Nuk është aspak në intersin edhe Serbisë do mendoja unë, që të ketë një situatë të tillë tensioni sepse ajo do të pengohej në marrjen e reformave të veta që ka, njëriu mendon që këtu dëmtohet vetëm Kosova ato në rradhë të parë dëmtojnë vetveten por natyrisht edhe Kosovën dhe rajonin”, përfundoi Minxhozi./teve1.info/
