Përmes njoftimit është bërë e ditur se Krasniqi ka ofruar mbështetjen e Qeverisë për komunat në përballjen e kësaj situate dhe se po përcjellin me vëmendje këtë situatë.
“Ministri Krasniqi ka vizituar disa nga zonat e dëmtuara nga vërshimet e shiut në Pejë dhe Deçan si dhe ka ofruar mbështetjen e qeverisë për komunat në përballje me këtë situatë. Ministri Krasniqi, ka theksuar se Qeveria me vëmendje po përciell këtë situatë dhe do të ndërmarren masat e nevojshme për të asistuar Komunat dhe ndihmuar qytetarët”, thuhet ndër tjerash në njoftim.
Ndryshe, gjatë së dielës në shumë komuna të Kosovës ka pasur vërshime pas reshjeve të mëdha të shiut./teve1.info/
