Sipas tij, Hyseni ka për qëllim të krijojë margjinalizim personal për të krijuar polemika me presidenten Osmanin.
“Skendo, akordoje mirë harmonikën se të janë përzi sendet. Analogjia e cilitdo njeri të Kosovës me kasapin Millosheviq është krim, le më me të parën e shtetit. Mos u përpiq që margjinalizimin personal ta projektosh në një “polemikë” me presidenten e shtetit. Ndoshta ke makthe presidenciale nga shegërtllëku i mëhershëm, e kuptueshme. Si përkthyes konsekutiv ishte dashtë ta keni mbamendjen të freskët: Millosheviqi është kriminel lufte”, ka shkruar Peci.
Madje, ai ka shkruar se po të ishte Hyseni i suksesshëm në dialog si koordinator, Kosova nuk do ishte ende në bisedime me Serbinë, raporton teve1.info.
“Ndaj, ktheju harmonikës, pi venë aristokrate, përkthe ndonjë gjë, e lëri palo analizat politike. Në esencë dërdëllitjet tua janë elegji për kohën e dikurshme. S`ka më shishe vene 300 e më tepër euro, s`ka më salltanate gjithandej, nuk është më shteti pronë e teje dhe si shokëve”, thuhet tutje në postimin e Pecit.
Sipas Pecit, presidentja Osmani dhe kryeministri Kurti po përpiqen t’i sanojnë dëmet e shkaktuara nga vetë Hyseni.
“Rri në rolin tënd tradicional siç të njeh Çarshia e Prishtinës, atë të harmonikashit!”, ka shkruar ai.
Kujtojmë se presidentja Vjosa Osmani, e ka quajtur të njënashme qasjen e Borrellit. Ku pas kësaj, Hyseni në Tëvë1 ka thënë se këto deklarata të Osmanit po i përngjajnë me ato të liderit komunist Enver Hoxha e kryekriminelit Sllobodan Millosheviq./teve1.info./
https://teve1.info/lajmet/hyseni-osmani-qendrime-si-te-millosheviqit-kurtin-nuk-do-ta-marr-me-askush-seriozisht/
