Miftaraj ka thënë se mos u çuditni nëse vrasja e fundit në Prizren del të jetë në “vetëmbrojtje”.
“Mos u çuditni nëse në fund del se vrasja e fundit në Prizren, del të jetë në “vetëmbrojtje”! Nëse prokuroria dhe gjykata në Prizren, e kanë fal 16 herë me dënime amnistuese, nuk përjashtohet mundësia që edhe herën e 17 me ia ba një argat. Në një shtet normal KGJK dhe KPK, sot u deshtë me caktu komisione ad hoc të përbërë nga gjykatës dhe prokurorë me integritet, përvojë dhe ekspertize me i analizu, vleresu dhe verifiku 16 aktakuzat, 16 aktgjykimet ne rastet ndaj Dibran Hoxhes”, ka shkruar ai në një postim në Facebook.
Ai thotë në 16 aktakuzat ndaj Hoxhës është interes publik të kuptohet se cilët janë prokurorët e këtyre rasteve.
“Është interes publik me kuptu se ne 16 aktakuza, çilet janë prokuroret e këtyre rasteve? Ne 16 aktakuza dhe shqyrtime gjyqësore sa here prokuroret kanë informu gjykatën se kryesi i veprave penale është recidivist? Ne 16 aktgjykimet dënuese është interes publik me ditë se si është zbatu politika ndëshkimore? Ndaj 16 aktgjykimeve ne sa prej tyre është bere ankese nga ana e prokurorit lidhur me dënimin e shqiptuar?”, tha tutje ai.
Sipas tij, në rastin në fjalë ku janë 16 aktgjykime dënuese, duhet ditur nëse Shërbimi Sprovues ka qenë i informuar dhe nëse po, a ka marrë ndonjë veprim.
“Ministria e Drejtësisë në kuadër të saj ka Shërbimin Sprovues i cili është kompetent në organizimin, zbatimin dhe mbikëqyrjen e ekzekutimit të dënimeve alternative dhe të riintegrimit shoqëror të personave të dënuar. Në rastin në fjalë ku kemi 16 aktgjykime dënuese, Shërbimi Sprovues a ka qene i informuar, nëse po a ka marr ndonjë veprim? Apo Shërbimi Sprovues është një mekanizëm, një numër i zyrtareve publik që paguhen nga shteti, por që në publik pak persona janë të njohur lidhur me atë që bëjnë apo çka punojnë? Shërbimi Korrektues të dal me njoftim se në 16 aktgjykime ndaj Dibran Hoxhes, me sa është dënuar me burgim efektiv? Shërbimi Korrektues i Ministrisë se Drejtësisë të del dhe të informoj publikun se në rastet kur është dënuar me burg efektiv, a e ka vuajtur dënimin në tërësi? Cila ka qenë sjellja e tij në qendrat korrektuese? Shume pyetje, e asnjë përgjigje nga asnjëra hallkë e institucioneve të drejtësisë!”, ka përfunduar Miftaraj. /Teve1.info/
