Sipas tij, greva në arsim është e paarsyeshme, teksa vlerësoi se pagat e mëimdhënësve duhet të rriten në një moment tjetër.
“Natyrisht që mësimdhënësit meritojnë më tepër se 100 euro. Vlerësoj edhe unë që duhet të rriten pagat e tyre, mirëpo në një moment tjetër kur ligji i pagave është para diskutimeve publike. Tani do vijë shumë shpejt në duart tona në Kuvend për të diskutuar për të. Duhet të shtohet dialogu, nuk dua ta vë fajin te asnjëra palë, por përsëri mendoj se greva është e panevojshme”, tha Meta në emisionin “Ditari”.
Tutje, Meta tha se duhet të ndodhin takimet mes sindikatave dhe Qeverisë.
“Dialogu mes Qeverisë dhe mes Organizatave Sindikale duhet të përditësohet në mënyrë që të krijohet harmonia mes pushtetit dhe këtyre organizatave. Takimet mes tyre duhet të ndodhin. Thjeshtësimi kaq shumë i vullnetit të mësimdhënësit të diskutohet për 30, 40 apo 50 euro, është bërë shumë e materializuar”, tha Meta në Tëvë1.
Më tej ai tha se mësimi duhet të kompensohet, pasi sipas tij, greva t’u kushtojë shumë fëmijëve. /teve1.info/
