Në takimin që do të mbahet sot në Ambasadën amerikane, ku do të diskutohet për Asociacionin, Partia Demokratike e Kosovës (PDK) do të përfaqësohet nga kryetari i saj, Memli Krasniqi.
Kështu bëjnë të ditur burime të teve1.info
Teksa nga AAK-ja do të marrë pjesë nënkryetari Ardian Gjini. Kjo është konfirmuar për Tëvë 1 nga zëdhënësi i kësaj partie, Kushtrim Xhemaili.
Në takimin e fundit të mbajtur më 31 janar me përfaqësues të Ekzekutivit, partive politike e organizatave jo qeveritare, ambasadori amerikan, Jeff Hovenier u është shprehur mirënjohës palëve të pranishme për pikëpamjet e tyre të treguara.
Teksa ka theksuar se duhet të zbatohen të gjitha angazhimet e dialogut.
Sa i përket Asociacionit, kryeministri Albin Kurti ka paraqitur 6 kushte në mënyrë që ta themelojë atë. Ai po ashtu ka pranuar propozimin evropian i cili parasheh implementimin e të gjitha marrëveshjeve të nënshkruara. Kjo është pritur pozitivisht nga Ambasada e SHBA-së. /Teve1.info/
https://teve1.info/lajmet/takimi-per-asociacionin-ne-ambasaden-amerikane-aak-do-perfaqesohet-nga-ardian-gjini/
