Gjatë këtij takimi, Mehaj dhe gjenerali Adrzejczak kanë biseduar rreth çështjes aktuale të sigurisë, ndikimit që ka agresioni rus ndaj Ukrainës, dhe po ashtu për rëndësinë e bashkëpunimit ndërmjet dy shteteve në nivel ushtarak, përmes trajnimeve të përbashkëta të dy ushtrive dhe bashkëpunimit në fusha të tjera.
“Njoftova gjeneralin për gatishmërinë që kemi që të trajnojmë trupat ukrainase dhe polake në fushën e deminimit, të kërkim-shpëtimit, dhe po ashtu gatishmëtinë tonë që të dërgojmë trupa të specializuar në fushën e shëndetësisë, për të mbështetur Poloninë dhe refugjatët ukrainas që aktualisht janë të strehuar në këtë shtet. Meqenëse jemi në proces të përgatitjeve si vend nikoqir i ushtrimit fushor “Defender 2023”, ftova gjeneralin që Polonia të jetë pjesëmarrëse në cilësinë e vëzhguesit dhe të njoftohet nga afër për kapacitet profesionale dhe operacionale të FSK-së”, ka shkruar Mehaj në Facebook.
Mehaj ka shtuar se “rruga jonë është e qartë, anëtarësimi në NATO dhe BE”. /Teve1.info/
