Vet Mustafa, vendosi t’i qëndrojë pas deklarimeve të mëhershme të tij, ku kishte mohuar fajësinë.
Von Bonne, ka adresuar përdorimin e provave të njëjta të Prokurorisë, për dy akuza të ndryshme.
“Viktimat kanë pasur të njëjtin status, qoftë nëse ishin viktima të akteve të trajtimit mizor, apo krimeve të torturës. Kështu në këtë rast të njëjtat prova që janë përdorur për të provuar se aktet e të akuzuarit synonin për të shkaktuar dhimbje të rëndë civilëve sipas trajtimit mizor dhe kanë shërbyer si prova edhe për aktin e torturës. Interesi social i mbrojtur që do të thotë ndalimi i shkaktimit të dhimbjes dhe vuajtjeve të rënda ndaj popullsisë civile ishte i njëjtë si për trajtimin mizor, ashtu edhe për krimin e torturës sipas Ligjit për DhSK. Salih Mustafa nuk mund të shpallet fajtor për të dy krimet, atë të trajtimit mizor dhe torturës”, tha Bonne.
Avokati e potencoi edhe dështimin për ta vërtetuar përgjegjësinë penale.
Ai madje as nuk i njeh fare tre nga katër individët që diskutuam. Individi i katërt është person që e njihte disi, megjithatë dëshmitari deklaroi se nuk e ka parë asnjëherë në terren Salih
Mustafën dhe nëse do ta kishte parë do ta kishte thënë një gjë të tillë.
Në seancën e fundit, ish-komandant Cali, i qëndroi pas deklarime të mëparshme të tij në gjykatore.
Zyra e Prokurorit të Specializuar ka kërkuar dënim unik prej 35 vjet burgim, duke pretenduar se është vërtetuar fajësia e Mustafës për të gjitha pikat e aktakuzës.
Kronika e realizuar nga Florijeta Dernjani
