I ftuar në emisionin “Info Nata” në tëvë1, ai thotë se përmes kësaj videoje LVV nuk e ka paraqitur të vërtetën për shkak se lideri i kësaj partie, Albin Kurti gjatë kohës sa ishte në opozitë tentoi me të gjitha partitë ta formonte Qeverinë, përpos PDK-së.
“Në një moment kur ka kriza më të ndryshme që e prekin qytetarin dhe një spot i tillë nuk është që nxitë emocion ose si me thënë reagimin siç ka mundur ta ngrisë vite më parë… Prezantimi se ky qenka i vetmi i paprekshmi, i pastërti, por i njëjti ka pasur tentativa për të qeverisur me të gjitha subjektet përveç me PDK”, tha ai.
Sipas Malokut, përmes kësaj videoje janë irrituar edhe ata që e kanë përkrahur LVV-në e të cilët shpresonin që “do të ketë ndryshime pozitive”.
“E dyta mesazhi nuk e ka peshën përkundrazi ka irrituar edhe ata që kanë qenë jo vetëm militantë, por vërtetë kanë mendu që do të sjellë ndryshime radikale për të mirë, jo keq dhe e keni parasysh arkiva është armiku më i madh i Kurtit dhe LVV-së për faktin se nëse tregon për një periudhë historike në të cilën ka qenë edhe vetë akterë pengues, rregullues në forma të ndryshme edhe tentues me u fut në Qeveri përmes partneritetve që ka tentu me i formu qoftë në VLAN por edhe me LDK-në”, shtoi ai.
Po ashtu, politologu Maloku thotë se me këtë i është dhënë edhe një mesazh opozitës se kanë nevojë për reforma thelbësore në subjektet e tyre.
“Kjo nuk pinë ujë dhe e treta kom pas qejf që subjektet opozitare duke e parë punën e kësaj Qeverie për një vit e gjysmë që nuk është për mashallah, nuk është përmbushje e pritjeve minimale që kanë besu mbështetësit e ndryshimit. Nëse flasim për gjithë sektorët në MPJD nuk di me çka do të lëvdohen, në shëndetësi është bërë film në kuptimin e cirkusit edhe në njësi tjera, financa”, shtoi ai./teve1.info/
