Lushtaku e quan të paaftë Qeverinë aktuale, pasi sipas tij, ajo nuk gjeti zgjidhje që nga fillimi i paralajmërimeve që SBASHK-u u ka bërë.
“Nuk kemi besuar që një qeveri e cila është thirrur në dialog social në të gjitha fushatat e saj ta menjanojë pikë së pari dialogun social. Fatkeqësisht më shumë i shoh si trupa të jashtëm, ndoshta më mirë do i trajtonte sindikatat e Serbisë sesa sindikatat e Kosovës. Qeveria po tregohet e pa aftë që fëmijëve t’u mundësohet të jenë tani në bankat shkollore. Po ashtu u tregua e pa zonja që nga fillimi i paralajmërimeve që SBASHK-u ka bërë në drejtim të Qeverisë”, tha Lushtaku i ftuar në emisionin “Infonata”.
Ndërkaq, Lushtaku në Tëvë1 tha se ka disa informata që në shtator nuk do të procesohen pagat për ato komuna që nuk kanë dërguar emrat e grevistëve. E kjo sipas deputetit të PDK-së, do ta dëmtojë edhe demokracinë e vendit./Tëvë1.info.
