Ndërsa, ndaj kirurgut tjetër Ekrem Sefiu, Prokuroria Themelore në Mitrovicë ka kërkuar caktimin e masës së paraburgimit.
Isuf Zekaj i cili poashtu është i dyshuar ende gjendet në arrati.
“Për njërin person të ndaluar, me iniciale E.S., Prokuroria Themelore në Mitrovicë ka kërkuar caktimin e masës së paraburgimit, dhe seanca pritet të mbahet sot në Gjykatën Themelore në Mitrovicë. I ndaluari tjetër me iniciale A.L., është liruar dhe për të njëjtin do të vendoset në procedurë të rregullt, ndërkaq personi i tretë për këtë rast me iniciale I.Z., nuk është intervistuar ende pasi që ende nuk është arrestuar”, ka thënë për teve1.info, zëdhënësi i Prokurorisë Themelore të Mitrovicës, Valon Pretenaj.
Policia e Kosovës të martën ka arrestuar dy kirurgë të dyshuar për marrje ryshfeti në Spitalin e Vushtrrisë, ndërsa i treti është ende në kërkim.
Tre kirurgët poashtu janë suspenduar nga puna në këtë spital./teve1.info/
