Vendimin e kryeministrit, Albin Kurti për shtyrjen e zbatimit të vendimit për targat ilegale për 48 orë, Limaj tha se kjo dëshmon që Qeveria aktuale veçse ka humbur rrugën e saj.
“Kjo Qeveri deri më tani na ka dëshmuar që nuk ka ndonjë plan çfarë të sjellë, qoftë edhe për nesër. Në krye kemi një Qeveri që nuk ka plan për asgjë, as për politikat e brendshme madje. Paqëndrueshmëria e Qeverisë, një ditë ndryshe e një ditë tjetër ndryshe, tregon një seriozitet, dëshmon që s’ka ide, dëshmon që s’ka hiç plan, për më tepër e ka humbur komplet rrugën”, tha Limaj në emisionin “Këndi i Debatit”.
Më tej, ai potencoi se në situata të tilla kur ka potencial që të sfidohet shteti, Qeveria Kurti duhet të bëhet e mençur, e urtë dhe me partneritet me miqtë.
Gjithashtu, tutje tha se Kosova është vendi i vetëm që po e mbyll vitin pa asnjë investim kapital, raporton teve1.info.
Kujtojmë se pas dështimit të marrëveshjes të hënën në Bruksel, me kërkesë të Shteteve të Bashkuara të Amerikës, Kosova ka shtyrë për 48 orë nisjen e shqiptimit të gjobave për qytetarët që nuk i kanë konvertuar targat ilegale të makinave në ato RKS./teve1.info/.
