Para anëtarëve të komisionit, Rizvanolli tha se vendimi parasheh që masat emergjente të jenë 90 ditë, me mundësi vazhdimi edhe për 90 ditë të tjera, ndryshe nga tash që janë vetëm nga 30 ditë.
Ajo po ashtu tha se në masat për kursimin e energjisë në situatat emergjente do të përfshihet ndalimi i ndriçimi dekorativ, reklamues dhe kufizimi i ndriçimit publik.
Siç bëri të ditur ajo, nëse masat nuk zbatohen atëherë do të ketë edhe gjoba.
“Projektligji parasheh masa të detyrueshme të kursimit të energjisë gjatë situatës emergjente dhe sanksione për moszbatimin e tyre. Masat e kursimit mund të caktohen me vendim të ministrit, ku përfshihen ndalimi i ndriçimit dekorativ, reklamues. Ndalimi dhe kufizimi i ndriçimit publik, përveç ndriçimit të domosdoshëm për sigurinë e publikut dhe komunikacionit… Sanksionet për moszbatimin e masave përfshijnë gjobën, sekuestrimin e pajisjeve si dhe ndalimin e përkohshëm të ushtrimit të veprimtarisë”, deklaroi ajo. /Teve1.info/
