Përmes një postimi në Facebook, LDK e akuzon për këtë çështje Qeverinë Kurti duke thënë se politikat e gabuara të partisë në pushtet po vazhdojnë favorizimin e produkteve serbe, shkruan teve1.info.
“Gjatë vitit 2022, Serbia ka rritur importet për plot 70 milionë euro. Me 370 milionë euro import në vit, Serbia gjatë mandatit të kësaj qeverie, ka arritur rekord të ri. Politikat e gabuara të partisë në pushtet, vazhdojnë të favorizojnë prezencën ekonomike të Serbisë në Kosovë”, thuhet në njoftim.
Tutje LDK ka thënë se Kosova ka nevojë për veprime konkrete dhe jo premtime e fjalë boshe.
“Ankesat për të kaluarën nuk përmirësojnë ekonominë dhe nuk i zgjidhin problemet e së ardhmes. Kemi nevojë për veprime konkrete dhe jo premtime e fjalë boshe!”, thuhet në njoftim.
