Në komunikatë thuhet se LDK falënderon partnerët ndërkombëtarë për mbështetjen e dhënë lidhur me këtë rast.
Teksa nga kjo parti u është bërë thirje organeve kompetente të zhvillojnë hetime të pavarura dhe të ruajnë profesionalizmin si dhe diskrecionin lidhur me këtë proces hetimor.
Ndryshe pas raportimeve në media se është planifikuar një atentat ndaj kryetarit të LDK-së, Lumir Abduixhikut dhe disa zyrtarëve tjerë të LDK-së, Policia ka thënë për teve1.info se rasti është iniciuar si kanosje.
Komunikata e plotë:
Lidhja Demokratike e Kosovës falënderon gjithë qytetarët e Kosovës në përgjithësi dhe anëtarësinë e saj në veçanti për përkrahjen dhe qetësinë e treguar deri më tani lidhur me informimin për planifikimin e atentateve ndaj kryetarit të LDK-së, Lumir Abdixhiku, dhe tre deputetëve të LDK-së.
Po ashtu LDK-ja falënderon partnerët ndërkombëtarë për mbështetjen e dhënë lidhur me këtë rast.
LDK-ja u bën thirrje organeve kompetente që, në përputhshmëri me seriozitetin e situatës, në të cilën cak potencial janë katër përfaqësues të qytetarëve të Kosovës, të zhvillojnë hetime të pavarura dhe të ruajnë profesionalizmin, si dhe diskrecionin lidhur me këtë proces hetimor.
