Latifi përmes një postimi në Facebook, ka kërkuar përkrahjen urgjente të Qeverisë pas dëmeve të mëdha nga vërshimet dhe përmbytjet në Rahovec.
“Dëme të mëdha nga vërshimet dhe përmbytjet në Rahovec, kërkojmë përkrahjen urgjente të Qeverisë Që nga orët e hershme të mëngjesit jemi duke u ballafaquar me gjendje të rënduar, pas reshjeve të shumta të shiut, e për këtë qëllim kemi formuar edhe Shtabin Emergjent të komunës së Rahovecit, i cili është mbledhur, sot në orën 10:00”, ka shkruar ai.
Po ashtu, Latifi thotë se e dëme më të mëdha ka pasur në më shumë se 13 fshatra.
“Përmbytjet nga ujërat dhe pasojat që kemi në shtëpi banimi, ekonomi familjare, biznese, hapësira dhe objekte publike, bujqësi etj. i kemi parë nga afër në shumë zona të komunës sonë, posaçërisht, në: Fortesë, Sapniq, Ratkoc, Malësi e Vogël, Gexhë, Celinë, Xërxë, Dejnë, Krushë e Madhe, Nagac, Çifllak, Hoçë e Vogël, Dobidol …etj”, ka thënë më tej ai.
Ndërkaq, kreu i Rahovecit kërkoi ndihmë nga Qeveria për të tejkaluar këtë situatë e për t’i kompensuar dëmet e mëdha, teksa u ka bërë thirrje qytetarëve që të mos lëvizin në pikat ku ka rrezik.
“Si Kryetar i Komunës shpreh shqetësimin tim për situatën e krijuar dhe kërkoj ndihmë nga Qeveria për ta tejkaluar më lehtë gjendjen momentale, e për t’i kompenzuar dëmet e mëdha të cilat do të dihen pas vlerësimit nga ana e komisioneve tona, të cilat do t’i evidentojnë ditëve në vijim. Njëkohësisht, ju bëj thirrje qytetarëve të rrisin kujdesin dhe mos të lëvizin në pikat ku ende ka pasiguri dhe rrezik. Ne jemi në terren dhe brenda kapaciteteve tona do të veprojmë”, ka përfunduar Latifi. /teve1.info/
