Për formimin e këtyre komisioneve që do të bëjnë vlerësimin në amvisëri, ekonomi të shumta familjare e biznese, bujqësi dhe infrastrukturë publike, ka njoftuar kryetari i kësaj komune Samaj Latifi në Facebook.
“Komisionet tashmë kanë marrë detyrën për të filluar punën në terren, të gatshëm të bëjnë regjistrimin dhe më pas vlerësimin e dëmeve nga reshjet e shiut, të cilat i kanë përmbytur dhe vërshuar disa zona të komunës sonë. Anëtarët e këtyre komisioneve do të angazhohen në afat rekord për hartimin e një raporti profesional deri në ditën e premte, ndërkaq nga java e ardhshme, këto të dhëna do të analizohen dhe përpunohen, e në fund do të nxjerrim një raport të detajuar për secilin bujk, familje dhe qytetarë të dëmtuar. Raporti i përgjithshëm do të përcillet në adresa të sakta të ministrive të Qeverisë së Republikës së Kosovës, së bashku me kërkesat tona për dëmshpërblim të familjeve, bujqve dhe qytetarëve të dëmtuar të komunës sonë”, ka shkruar ai./teve1.info/
