Vuçiq ka thënë se atë ditë e tha të vërtetën dhe shtoi se do të luftojë për Kosovën dhe për një të ardhme më të mirë për Serbinë.
Ai shtoi se për presionet ndërkombëtare i ka njoftuar të gjithë aktorët politikë në Serbi, shkruan kosovo-online.com
“Ata thanë se nuk donin të flisnin, ose të paktën një pjesë e mirë e tyre, por donin një demonstratë publike, një shfaqje për veprimin e tyre politik. Më vjen keq që nuk e kuptuan se vendi është më i rëndësishëm se interesat politike të cilësdo parti dhe të cilitdo prej nesh. Gjithsesi është obligim që të respektoj parlamentin dhe të plotësoj të gjitha kërkesat. Do të dal në Kuvend, do t’u përgjigjem të gjitha pyetjeve dhe do të luftoj për Kosovën dhe Metohinë dhe Serbinë tonë. Vetëm së bashku dhe të bashkuar a mund të luftojmë për një të ardhme më të mirë të vendit tonë”, tha Vuçiq në Instagram.
