I dërguari i special i BE-së për dialogun Kosovë-Serbi,Miroslav Lajçak ka thënë se java që po lëmë ishte e gjitha rreth dialogut.
Ai përmes një postimi në Facebook ka bërë një rezyme të takimeve të zhvilluara në Beograd para ati trepalësh në Ohër.
Lajçak tha se ne Beograd takoi edhe përfaqësues të opozitës pro BE-së, ku shumica sipas tij e kanë mbështetur marrëveshjen.
“Kjo javë ka qenë e gjitha rreth dialogut. Filloi me një udhëtim në Beograd, ku vazhdova përgatitjet për takimin për dialogun e nivelit të lartë me presidentin Aleksandar Vuçiq. Gjatë takimit tonë, diskutuam për aneksin e zbatimit dhe rrugën përpara për Marrëveshjen. Derisa isha në Beograd, pata gjithashtu mundësinë të takohesha me partitë opozitare pro-Bashkimit Evropian për të diskutuar lidhur me dialogun dhe për të dëgjuar pikëpamjet e tyre për takimin dhe rrugën përpara. Më erdhi mirë kur pashë se shumica e tyre ishin në mbështetje të Marrëveshjes dhe rëndësisë së saj”, ka shkruar Lajçak.
Ai tha për takimin në Ohër tha se liderët e Kosovës dhe Serbisë u pajtuan për zbatimin e ankesit të Planit Evropian, që sipas tij ishte mirë që e gjithë përgaditja dha sukses.
“Pas 12 orësh negociatash intensive, ata të dy u angazhuan plotësisht për të respektuar të gjitha nenet e marrëveshjes dhe për të zbatuar detyrimet e tyre përkatëse në mënyrë të përshtatshme dhe në mirëbesim. Ishte mirë të shihje se javët e përgatitjeve dhanë rezultat”, ka shkruar Lajçak në Facebook.
Ai ka falënderuar edhe zyrtarët e shtetit të Maqedonisë Veriore për pritjen./teve1.info/
