Pas takimit, Lajçak tha para mediave se ishte një takim që nuk ishte i lehtë, por i sinqertë dhe i hapur, përcjell teve1.info
“Qëllimi i këtij takimi me kryeministrin Kurti ishte për të diskutuar propozimin për normalizim të marrëdhënieve që paraqitëm në shtator dhe pastaj në dhjetor. Shpenzuam më shumë se dy orë e cila tregon se ishte takim i gjatë, nuk ishte e lehtë, por ishte shumë i sinqertë, shumë i hapur”, deklaroi ai.
Tutje, ai tha se është ende herët për të bërë ndonjë deklaratë, pasi janë ende në mes të misonit të tyre.
“Nuk mund të them shumë, por mund të them se kemi pritur mirëkuptim më të madh për mundësitë që ofron ky propozim. Shpresoj se do të arrijmë aty. Ne do të vazhdojmë të punojmë”, theksoi Lajçak.
Gjatë takimit me Kurtin, përveç Lajçak, ishte edhe emisari i ShBA-së për Ballkanin Perëndimor, Gabriel Escobar, sidhe këshilltarët për politikë të jashtme të kancelarit gjerman, Olaf Scholz, presidentit të Francës, Emmanuel Macron, Jens Plötner dhe z. Emmanuel Bonne dhe këshilltari diplomatik i kryeministres së Italisë, Francesco Maria Talò.
Pas takimit me Kurtin, emisarët ndërkombëtar do të udhëtojnë për në Beograd, ku pritet të takohen me presidentin serb, Aleksandër Vuçiq. /Teve1.info/
