Gjykata Kushtetuese ka konstatuar se Gjykata Supreme nuk kishte dhënë arsyetim të mjaftueshëm përkitazi me kriteret që duhet të plotësohen për të vendosur për pezullimin e vendimeve të Ministrisë për Mjedis, në çështjen e hidrocentraleve të “Hidroenergjisë”.
“Për më tepër, dhe përkundër faktit që mungesa e trajtimit të këtyre dispozitave të Ligjit për Konfliktet Administrative ishte ngritur në mënyrë të vazhdueshme nëpër instanca gjyqësore përmes ankesave përkatëse nga parashtruesi i kërkesës, Gjykata Supreme kishte miratuar qëndrimin e Gjykatës Themelore dhe atë të Gjykatës së Apelit, duke mos adresuar argumentet thelbësore të tij”, thuhet në njoftimin e Kushtetueses.
Kësisoj Kushtetuesja e ka kthyer në rishqyrtim në Gjykatën Themelore çështjen e hidrocentraleve të “Hidroenergjisë”.
Njoftimin e plotë mund ta gjeni këtu
