Ai tha se viti i kaluar ka qenë viti më i suksesshëm në historinë e Kosovës për sa i përket të hyrave dhe rritjes ekonomike, raporton teve1.info
“Viti i kaluar ishte viti më i suksesshëm në historin e shtetit tonë për sa i përket të hyrave dhe rritjes ekonomike, ky vit me gjithë sfidat dhe krizat globale vazhdojë trendin pozitiv dhe na mundësoj të kemi një konsolidim të financave publike”, tha Kurti.
Kurti njoftoi se buxheti për vitin e ardhshëm do të jetë 3 miliardë e 212 milionë euro.
“Buxheti për vitin 2023 do të jetë 3 miliardë e 212 milion euro, kurse të hyrat buxhetore do ta arrijnë vlerën prej 2 miliardë e 884 milionë euro me ç’rast kemi ndarë 745 milionë euro në kategorinë paga dhe meditje, 493 milionë euro në mallra dhe shërbime, 1.93 miliard euro në subvencione dhe transfere dhe 811 milionë euro në shpenzime kapitale”, tha Kurti.
Sa i përket bujqësisë dhe sigurisë, Kurti tha se janë rritur ndjeshëm buxhetet e këtyre sektorëve.
“Buxheti i sivjetmë për bujqit është 87 milionë euro. Kemi shtuar 300 pozita të reja për policinë dhe kemi rritur buxhetin për blerjen e armatimit për ushtrinë tonë. 123 milionë euro parashihet të jetë buxheti për Ministrinë e Mbrojtjes”, theksoi Kurti.
