Kurti në Facebook ka thënë se vlera e eksporteve për këtë vit është rritur për 23 për qind. Teksa ka theksuar se janë eksportuar mallëra në vlerë prej 801 milionë euro.
“Ky vit ishte vit i zhvillimit dhe përmirësimit të gjithmbarshëm, e veçanërisht në ekonomi. Është rritur për 23% vlera e eksporteve. Janë eksportuar mallra në vlerë 801 milionë euro;Janë rritur për 21,9% të hyrat tatimore. Në total 673,6 milionë euro;Të hyrat e Doganave janë rritur për 11,4% në krahasim me vitin e kaluar. Në total: 1 miliardë e 381 milionë euro të hyra;Investimet e huaja gjatë (janar – shtator) 2022 kanë arritur për herë të parë në 566,9 milionë euro ose rritje prej 43,6%, krahasuar me të njëjtën periudhë të vitit 2021;Rritje për 67% të numrit të inspektimeve gjatë këtij mandati, me 2.830 inspektime gjatë vitit 2022”, ka shkruar ai.
Tutje i pari i Qeverisë ka theksuar funksionalizuamin e Gjykatës Komerciale, duke përmendur edhe mbështetjen ndaj bizneseve.
“Subvencionuam kreditë e mbi 200 bizneseve prodhuese, me vlerë të kreditimit të mundësuar 87 milionë euro;Mbështetëm 139 biznese me potencial eksportues me 9.8 milionë euro grante. 30% të përfitueseve janë vajza dhe gra; Përkrahem 62 ndërmarrje përfituese përmes projektit “Iniciativa për fuqizim digjital”, ku 43% prej tyre janë në pronësi nga vajzat dhe gratë;Promovuam 560 produkte vendore, duke mbështetur 83 ndërmarrje tona për pjësemarrje në 13 panaire ndërkombëtare; Negociuam 21 marrëveshje financiare në vlerë rreth 350 milionë euro, prej të cilave afro 140 milionë janë grante;Mbështetëm Parkun e Inovacionit dhe Trajnimit në Prizren me 3 milionë euro; Shtuam rezervat shtetërore të mallrave, si: gruri, vaji, sheqeri dhe nafta”, tha tutje ai./teve1.info./
