Kryeministri Albin Kurti ka thënë se bisedimet mbi bazën e propozimit evropian nuk kanë filluar ende, pasi që sipas tij po diskutohet vetëm për planin si të tillë
“Andaj unë do të kisha sugjeruar, Kuvendi vendos natyrisht për seancë por nuk do të ketë as nesër, as pasnesër as në fillim të javës së ardhshme takim në Bruksel sepse nuk ka ftesë. Unë në javën e kaluar ju kam thënë thirrni seancë, prandaj nëse s’e bëmë javën e kaluar mos ta bëjmë sot për sot”.
Tutje ka shtuar se është herët të flitet edhe për marrëveshje finale
“E dyta, nuk mundet me pasë marrëveshje finale pa pasë bisedime. Bisedimet mbi këtë bazë nuk kanë fillu ende prandaj ne nuk mund të presim që do të ketë propozim a marrëveshje finale tash. Jemi në fazën e ngërçit të fillimit të fazës së re. Pse është fazë e ngërrçit, se Serbia po dëshiron që nga 33 marrëveshje t’i abstrahojë të gjitha e të zgjedhë vetëm Asociacionin”.
Kurti ka deklaruar se në rast se edhe ai është i interesuar për një marrëveshje specifike, atëherë është në kundërshtim me frymën e bisedimeve
“Unë kam interes p.sh me e marrë dokumentacionin kadastral prej Serbisë, mirëpo unë i respektoj rregullat e bisedimeve, që janë se as unë nuk mund ta përzgjedhi 1 marrëveshje. Mirëpo nëse unë filloj ta përmendi dokumentacionin kadastral, neni i 10 bëhet i parë. Prandaj kjo nuk është e dobishme. Unë ju kisha lutur që të mos e theksoni as ju Asociacionin paçka se është ratifiku në Kuvend. Unë u them ndërkombëtarëve se nëse ka ndonjë veçanti Marrëveshja mbi Asociacionin, është se është rrëzu në Kushtetuese”.
“Unë i kam pyetur a është ky propozim merre apo lëre, më kanë thënë se nuk është. Prandaj kam thënë se është bazë e mirë për diskutim të mëtejmë. Edhe kam thënë se është platfomë solide për ecje përpara, jo mbrapa”.
Tutje ka përsëritur se tre liderët e partive politike e kanë lexuar propozimin franko-gjerman, pas akuzave ndaj tij për mostransparencë.
“Ju po më thoni pse po fshihem, po si të fshihem kur ju kam thirr në zyrë dhe e keni pa propozimin. 3 liderët e tri partive e kanë lexu. Dhe ju kam thënë sa të doni kohë, takimi nuk ka përfunduar për shkak se unë e kam përfunduar, por për shkak se mysafirët shkun. Sa herë mundeni me ardhë dhe me lexu propozimin, po unë nuk muj me nxjerr për zyre atë”.
