Gjatë këtij takimi, ambasadorët janë njoftuar lidhur me sanksionet që Kosova ka vendosur ndaj individëve dhe shtetit rus, Bjellorusisë dhe dy rajoneve të Ukrainës që shpallën “ilegalisht pavarësinë”.
Tutje, u theksua se me këto veprime, Kosova është rreshtuar krahë vendeve demokratike në këtë betejë botërore “kundër diktaturës e autokracisë”.
“Ambasadorët tanë bënë të ditura pozicionet dhe zhvillimet e fundit të vendeve pritëse dhe vendeve të tjera që i mbulojnë. Ata po ashtu njoftuan kryeministrin dhe zëvendëskryeministren lidhur me angazhimin e tyre intensiv në përcjelljen e informacionit tek vendet që mbulojnë për pozicionin e Republikës së Kosovës, në mbështetje të integritetit territorial, sovranitetit dhe pavarësisë së Ukrainës’, thuhet ndër tjerash në njoftim./teve1.info/
