Sipas zyrës së kryeministrit, Kurti është pjesë e këtij paneli të diskutimit me temë “Një transformim i drejtë për Evropë të vetëmjaftueshme me energji”, përcjellë teve1.info.
Po ashtu zyra e kryeministrit ka njoftuar se Kurti së bashku me ministrin e Financave Hekuran Murati dhe ministrin e Pushtetit Lokal, Elbert Krasniqi do të prezantojnë Buxhetin për vitin 2023 para qytetarëve të komunës së Prizrenit sot në orën 15:00.
Agjenda e Kryeministrit të Republikës së Kosovës e datës 22.11.2022
09:45 – Kryeministri Kurti merr pjesë në Forumin Socio-Ekologjik 2022 në Shkup dhe është pjesë e panelit të diskutimit me temë “Një transformim i drejtë për Evropë të vetëmjaftueshme me energji”.
Vendi: Hotel Alexander Palace, Shkup
13:00 – Kryeministri Kurti merr pjesë në Konferencën për Rininë 2022, “Drejt një politike kombëtare” të organizuar nga Ministria e Kulturës Rinisë dhe Sportit.
Vendi: Parku ITP, Prizren
15:00 – Kryeministri Kurti së bashku me ministrin e Financave Hekuran Murati dhe ministrin e Pushtetit Lokal, Elbert Krasniqi, prezantojnë Buxhetin për vitin 2023 para qytetarëve të komunës së Prizrenit.
Vendi: Prizren, Salla Dokukino
18:00 – Kryeministri Kurti pret në takim Ministrin e Punëve të Jashtme dhe Bashkëpunimit Ndërkombëtar të Republikë së Italisë, Antonio Tajani dhe Ministrin e Mbrojtjes të Republikës së Italisë, Guido Crosetto.
Vendi: Ndërtesa e Qeverisë.
Shënime: Mediet mund të marrin pamje në fillim të takimit
