Në një konferencë për media, ai deklaroi se asnjëra nga to nuk u pranua nga Serbia për shkak se “nuk iu binte tamam”.
“Kur thashë tetë opsionet, mendova që fola vetëm midis nesh, anëtarët e kabinetit qeveritar. S’mund të them më shumë se atyre. Tetë opsione gjatë gjashtë muajve. Shtatorin e vitit 2021 e patë kur u patën grumbulluar forcat serbe përgjatë kufirit me Kosovën dhe atje shkoi edhe ambasadori rus. Gjashtë muaj është negociouar mes ekipeve tona ku kanë shkuar ekspertët dhe njohësit e çështjeve dhe kanë ardhur në një përfundim se tetë modele janë të mundshme dhe është kërkuar nga palët modelin e preferuar dhe nëse asnjë i përbashkët s’do të ishte zgjedhur nga palët natyrisht se do të vazhdonin negociatat. Ne i kemi preferuar tri modele, derisa pesë i kemi konsideruar të papranueshme. Por, Serbia i ka konsideruar të gjitha të papranueshme”, tha ai.
Madje, Kurti shtoi se këto propozime nuk mund ti publikojnë për shkak se janë zotuar për konfidencialiet të plotë në këtë proces.
Sipas tij, nëse ato do të publikoheshin atëherë Kosova do të fajësohej për dëmtim të procesit.
“Ne kemi qenë të gatshëm, për neve ka qenë i rëndësishëm parimi i reciprocitetit për dakordim. U bënë edhe dy muaj që dështuan. Asnjë prej tetë opsioneve s’i binte tamam Serbisë. Unë jam transparent por konfidencialiteti është zotimi ynë ndonjëherë është BE që mund t’i bëjë publike këto. Nëse do ti publikonim do të fajësohemi”, shtoi Kurti.
