Kurti theksoi se duhet ta kuptojmë se Serbia po bëhet gjithnjë e më shumë abnormale, raporton teve1.info
“ShBA janë edhe partnerë edhe aleatë tonë, andaj ne do të bashkëpunojmë ngushtë që të bëhet normalizimi i marrëdhënieve me Serbinë, por duhet ta kuptojmë që kemi një Serbi gjithnjë e më abnormale”, tha Kurti.
Tutje Kurti para mediave deklaroi se Serbia, e ka refuzuar planin franko – gjerman më 27 tetor të vitit të kaluar ndërsa sipas tij, Kosova planin franko-gjerman e ka konsideruar si bazë të mirë për bisedime.
“Planin evropian të mbështetur nga Franca dhe Gjermani ne e kemi parë si bazë të mirë për diskutime të mëtutjeshme, ndërsa Serbia e ka refuzuar atë në mbledhjen e Këshillit Nacional të Sigurisë në Beograd, të mbajtur me 27 tetor 2022, konkluzion unanim i refuzimit të propozimit, që u bë publik nga Ministri i Jashtëm i Serbisë, Daçiq. Pra, ata e kanë refuzuar këtë propozim, ndërkohë që ne e kemi konsideruar si bazë të mirë për bisedime”, tha Kurti.
