Kurti tha se gjatë 8 orëve që kanë zhvilluar takime, sipas tij, propozimi franko-gjerman u zhduk nga tavolina e bisedimeve, raporton Teve1.info
Sipas tij, kjo për t’iu përshtatur qëllimit të Serbisë që kishte ardhur për targat.
“Gjashtë muaj kemi negociuar për targat dhe kanë qenë tetë opsione, tri kanë qenë të pranueshme nga ne, Serbia ka refuzuar të gjitha. Pra e kuptoni çfarë zemërgjerësie ka nga ne për të gjetur një zgjidhje, por për dështimin fajtore është Serbia”.
“Qëllimi i madh u hoq nga agjenda, nevoja urgjente për propozimin evropian me mbështetje gjermane u zhduk nga tavolina duke iu përshtatur qëllimit të Serbisë, presidenti i secilit kishte ardhur në Bruksel jo për propozimin franko-gjerman por për targat”, ka deklaruar Kurti.
Ai thotë se në Bruksel ka shkuar për marrëveshje finale e jo për çështje teknike.
“Unë nuk jam as polic as komandat stacioni as shef katastri që të merrem me gjithfarë çështjesh teknike që dalin përgjatë bisedimeve. Ne jemi shtet me institucione dhe organe përkatëse që kanë profesionist të zot që zhvillojnë këso lloj bisedimesh. Unë shkova atje për marrëveshje finale për normalizim të marrëdhënieve me njohje reciproke”, shtoi Kurti. /Teve1.info/
