Kurse gjatë një konference me kryeministren e Estonisë, Kaja Kallas, Kurti tha se e falënderon atë për mbështetjen e Estonisë për liberalizimin e vizave.
“Më lejoni të shpreh falënderimin tonë për mbështetje të vazhdueshme të integrimit të Kosovës në BE. Qeveria e Kosovës e çmon mbështetjen e Estonisë për liberalizimin e vizave dhe anëtarësimin e Kosovës në organizata ndërkombëtare. Integrimin në BE dhe NATO e shohim si proces natyror dhe synojmë të fillojmë procesin e aplikimit për statusin e vendit kandidat dhe mbështetja e Estonisë në këtë drejtim vlerësohet shumë”, tha Kurti.
Ai tha se Kosova dhe Estonia kanë të kaluar të njëjtë historike, andaj shtoi se Kosova po e merr modelin e këtij vendi për zhvillimin e E-Qeverisjes.
Kurse vet kryeministrja estoneze, Kaja Kallas, tha se Estonia i ofron mbështetje të plotë Kosovës për tu bërë pjesë euroatlantike.
Ajo tha që shteti i saj e mbështet Ballkanin Perëndimor, derisa shtoi se sulmi i Rusisë ndaj Ukrainës shkon edhe përtej këtij shteti pasi ka të bëjë edhe me rastin e Kosovës.
