Kurti ka thënë se gjatë vitit të kaluar kanë pasur synim mbrojtjen e sovranitetit dhe integritetit territorial, sigurinë publike dhe mbrojtjen e rendit kushtetues.
“Me synim mbrojtjen e sovranitetit dhe integritetit territorial, sigurinë publike, mbrojtjen e rendit kushtetues, gjatë vitit të kaluar: Dyfishuam buxhetin për ushtrinë e Kosovës krahasuar me vitin 2021, ndërkaq në 2023 do të ketë rritje edhe për 20%; Miratuam Strategjinë e Sigurisë 2022-2027; Nënshkruam marrëveshje bashkëpunimi me Mbretërinë e Bashkuar, Shqipërinë, Malin e Zi, Maqedoninë e Veriut dhe Kroacinë. Janë në proces marrëveshjet SOFA me Gjermaninë, Turqinë dhe Kroacinë; Janë rekrutuar 820 ushtarë të rinj dhe 30 kadetë; Në proces të rekrutimit janë edhe 612 ushtarë aktiv dhe 388 rezervë”, ka shkruar ai në një postim në Facebook.
Po ashtu, Kurti thotë se moshën e rekrutimit e kanë ngritur nga 23 në 25 vjeç.
“Janë trajnuar jashtë vendit 2547 ushtarakë: 3 herë më shumë se në 2020, 16 herë më shumë se në 2019; ‘’Edukim në Siguri’’ do të jetë pjesë e kurrikulës shkollore”, përfundoi ai. /Teve1.info/
