Qeveria e Kosovës ka miratuar tri marrëveshjet e arritura vitin e kaluar në Procesin e Berlinit ndërmjet gjashtë vendeve të Ballkanit Perëndimor.
Këto marrëveshje përfshijnë Lëvizjen e Lirë me Letërnjoftime në Ballkanin Perëndimor, atë për Njohjen e Kualifikimeve Profesionale të Mjekëve, Stomatologëve dhe Arkitektëve në kontekstin e Marrëveshjes së Tregtisë së Lirë të Evropës Qendrore si dhe Marrëveshjen për Njohjen e Kualifikimeve të Arsimit të Lartë në Ballkanin Perëndimor.
Në mbledhjen e Qeverisë, kryeministri Kurti tha se miratimi i shpejtë i këtyre marrëveshjeve tregon përkushtimin e Kosovës për bashkëpunim rajonal si dhe integrim në BE.
“Ratifikimi i shpejtë i tyre është tregues i angazhimit tonë për bashkëpunim rajonal marrëdhënie të mira fqinjësore dhe avancim drejt integrimit në BE”, ka thënë Kurti, raporton teve1.info.
Këto marrëveshje u mirtuan me shumicë votash.
Kurti kërkoi nga MASHTI, MINT dhe MPB që të bëjnë përgatitjet e duhura për zbatim të plotë dhe efektiv të këtyre marrëveshjeve.
Po ashtu, ai ka thënë se pas miratimit në Qeveri këto marrëveshje do të dërgohen për ratifikim edhe në Kuvendin e Kosovës. /Teve1.info/
https://teve1.info/lajmet/kosova-se-shpejti-pritet-ta-ratifikoje-marreveshjen-per-levizje-te-lire-me-bosnjen/?fbclid=IwAR3NTuoSjbzrKuaErBYODC0MUlJYKfLaWGO6zotah_iJUgmJPM3bd6h1ceg
