Kryeministri i Kosovës, Albin Kurti, ka folur për situatën në Ukrainë duke thënë që qeveria mbështet sovranitetin, pavarësinë dhe integritetin territorial të këtij vendi.
Ai ka thënë se do të jenë në bashkërendim me aleatët.
“Padyshim, që mbështet sovranitetin pavarësinë dhe integritetin territorial të Ukrainës dhe sikurse deri më tani edhe në vijim do të jemi përherë të bashkërenduar me BE-në, SHBA-në dhe NATO-n”, ka thënë Kurti gjatë seancës së sotme të Kuvendit.
Për këtë ka folur edhe deputeti i PDK-së, Enver Hoxhaj, duke kërkuar nga Qeveria ta mbledhë Këshillin e Sigurisë Kombëtare për shkak të situatës së krijuar në Ukrainë./Teve1.info/
