Në seancën që po mbahet në Kuvend, Kurti theksoi se kur të përfundojë negocimi, do skadojë edhe afati i dakordimit me Serbinë, përcjell teve1.info
“Tjetra është që pjesa e tagave në marrëveshjen e mbrëmshme nënkupton që Qeveria nuk lëshon dhe regjistron targa të reja. Ajo është e qartë në tekst dhe gradualisht targat e paligjshme do të nxirren nga përdorimi sipas një mekanizmi të tillë. Ne arritëm ta zbatojmë parimin e reciprocitetit në atë seksion të marrëveshjes, që u bë deklaratë e Borrellit, por theksojmë, kjo është e vlefshme deri në përfundimin e negocimit të dokumentit franko-gjerman. Kur të kryhet ky negocim, atëherë skadon edhe afati i këtij dakordimi”, tha ai.
Kurti shtoi se dakrodimi i mbrëmshëm ka afat kohor deri në fillim të pranverës të vitit 2023.
“Dakordimi i mbrëmshëm ka një target kryesor dhe kohor, për negocimin dhe pajtueshmërinë e palëve lidhur me propozimin e Bashkimit Evropian të mbështetur nga Franca dhe Gjermania, e ajo është sa më shpejt, por jo më vonë se sa fillimi i pranverës të vitit 2023, që gjë thuhet në paragrafin e parafundit. Pra, para fillimit të pranverës 2023, mund të jetë më herët, por s’bën të jetë më vonë”, shtoi ai. /Teve1.info/
