Kryeministri i Kosovës, Albin Kurti ka thënë se Bashkimi Evropian duhet të gjejë mekanizma për të bërë Marrëveshjen bazë për normalizim të marrëdhënieve mes Kosovës dhe Serbisë ligjërisht dhe ndërkombëtarisht të obligueshme.
Kurti në një postim në Twitter ka thënë se Serbia njëjtë si në takimin e 27 shkurtit në Bruksel, i është shmangur nënshkrimit të Marrëveshjes dhe tani edhe Aneksit. Prandaj, sipas Kurtit i mbetet BE-së të bëjë këtë marrëveshje ligjërisht të obligueshme.
“Ne erdhëm në Ohër me qëllime të mira dhe treguam mirëbesim gjatë takimeve të djeshme. Falënderoj Përfaqësuesin e Lartë të BE-së, Josep Borrell, emisarin e BE-së, Miroslav Lajçak dhe zëvendësndihmëssekretarin e Shtetit të SHBA-së, Gabriel Escobar, për angazhimin e tyre të palëkundur. Po ashtu Maqedoninë e Veriut për mikëpritje shumë të ngrohtë. Tash kemi arritur marrëveshje për aneksin e implementimit të Marrëveshjes Bazë. Serbia – si në takimin e fundit në Bruksel – shmangu nënshkrimin e Marrëveshjes, e tash edhe të Aneksit. Mbetet te BE-ja të gjejë mekanizëm për të bërë këtë marrëveshje ligjërisht dhe ndërkombëtarisht të obligueshme”, ka shkruar Kurti në Twitter.
We have now reached an agreement on an implementation annex to the Basic Agreement. Serbia—just as in the last meeting in Brussels—avoided signing the Agreement, and now also the Annex. It’s up to the EU to find a mechanism to make the agreement legally & internationally binding.
— Albin Kurti (@albinkurti) March 19, 2023
We came to Ohër/Ohrid with good intentions and demonstrated good faith throughout yesterday’s meetings. I thank EU HR/VP @JosepBorrellF, EUSR @MiroslavLajcak, and DAS Escobar for their unyielding commitment, as well as North Macedonia for their warm hospitality.
— Albin Kurti (@albinkurti) March 19, 2023
