Ai pretendon se shefi i grupit të LDK-së ka tejkaluar 2 çështje të rëndësishme në rregullore, e që sipas tij, Gashi ka keqpërdorur mirësinë e kryesuesit të Gjilanit.
“Shefi i grupit të LDK-së, Arben Gashi e ka keqpërdorur mirësinë dhe sjelljen e butë të kryesuesit të Kuvendit të Gjilanit duke i tejkaluar 2 çështje të rëndësishme në rregullore. Ai ka kaluar kohëzgjatjen sepse secili deputet dhe këshilltar e ka limitin kohor se sa mund të flet, po ashtu e ka keqpërdorur temën për të cilën ka diskutuar sepse edhe kjo është një rregull i cili në një rend të pikës, diskutohet për çështje të caktuara dhe jo çka do që dëshiron të flasë”, tha Kurteshi i ftuar në emisionin “Infonata”.
Tutje, ai theksoi se në Vetëvendosje janë transparent dhe të rregullt në të gjitha kriteret e përshkruara në statutin e tyre.
“Lëvizja Vetëvendosje është parti e madhe dhe natyrisht që në një subjekt të madh ka njerëz me ambicie të ndryshme. Nga përvoja ime në Vetëvendosje, respektohen të gjitha kriteret që janë të përshkruara në statutin e tyre dhe në procesin zgjedhor janë transparent dhe të rregullt”, shtoi Kurteshi.
Ndërsa, përplasjen mes tyre, Kurteshi e konsideron si diçka normale që mund të ndodhë mes asamblistëve dhe kryesuesit.
