Krasniqi ka thënë se tani është vonë dhe shkarkimi i tij më nuk mjafton, shkruan teve1.info
Tutje, Krasniqi ka kërkuar që të bëhen hetime serioze dhe ambasadori Berishaj të vihet para drejtësisë.
“Tashmë është vonë dhe shkarkimi i ambasadorit Berishaj më nuk mjafton, duket të bëhen hetime serioze. Martin Berishaj duhet të sillet para drejtësisë dhe kushdo që është në këtë piramidë”, ka deklaruar ai.
Krasniqi theksoi se Qeveria nuk ka guxim që t’a trajtojë “një virus helmues për shtetin”, duke i’u referuar rastit të ambasadorit, Berishaj.
“Më 21 prill të kaluar mediat sllovene raportuan për skandalin e madhë financiar në të cilin ishte përfshirë ambasadori i Kosovës në Kroaci, Martin Berishaj që fiks 273 ditë dy gjëra diametralisht të kundërta e kanë karakterizuar këtë skandal e para, për nëntë muaj raportimet për aferën Martin Berishaj kanë ardhur duke u shtuar, faktet duke u zbulu, akuzat duke u ngrit e dyshimet duke u gjet rrugë deri te kryeministri, Albin Kurti e Lëvizja Vetëvendosje”, deklaroi Krasniqi.
Madje, Krasniqi akuzoi edhe kryeministrin, Albin Kurti, presidenten, Vjosa Osmani dhe ministren e Punëve të Jashtme dhe Diasporës, Donika Gërvalla – Schwarz për heshtje dhe mos transparencë e pa përgjegjësi të këtij rasti.
“Reagimi institucional nga kryeministri, presidentja e ministrja e Punëve të Jashtme në shpërputhje me zhvillimet e seriozitetin e këtij rasti kanë ardhur duke u zvogëluar, duke tentuar se përmes heshtjes, mos transparencës dhe pa përgjegjësisë ta fshehin apo ta tejkalojnë këtë situatë”, u shpreh kreu i PDK-së.
“Po gabojnë aq shumë sa vetëm po e konfirmojnë se edhe vet janë të përfshirë”, shtoi ai.
Krasniqi ka thënë se ky skandal korrupsioni jo vetëm që ka dëmtuar reputacionin e diplomacisë së Kosovës por kjo shkon edhe më tej./teve1.info
