“Propozimi franko-gjerman, apo tashmë Evropian i mbështetur edhe nga partnerët amerikan, duhet të konsiderohet si një hap tutje në kuptimin e tij seriozisht. Se mund të jetë një bazë për ta diskutuar më tutje, procesin e ardhshëm të dialogut. Dokumenti si i tillë, sot për sot atë format, në atë draft që është vështirë i pranueshëm për Kosovën”, ka thënë ai.
Krasniqi për Tëvë1 tha se është obligim kushtetues i kryeministrit Kurti që të merret me këtë çështje.
“Por unë besoj që i takon Qeverisë është edhe prerolativ kushtetues i saj dhe obligim ligjor i kryeministrit që të merret me këtë çështje, të jetë i përkushtuar, por edhe i fokusuar dhe të pretendoi për ta rritur objektivat shtetërore të Kosovës e që janë pesë shtyllat që kam propozuar sot: 1. Ruajta e karakterit unitar të shtetit të Kosovës, 2. Njohja nga 5 shtetet mosnjohje të BE-së, 3. Anëtarësimi, fillimi i anëtarësimit në NATO përmes hapit të parë që është partneriteti për paqe 4. Marrja e statusit të shtetit kandidat për anëtarësim në BE dhe 5. çështja më e rëndësishme dhe e patejkalueshme njohja e ndërsjellë mes Kosovës dhe Serbisë”, tha Krasniqi.
Kryeministri i Kosovës, Albin Kurti e ka vlerësuar si hap të mirë planin franko-gjerman, duke thënë se kanë dhënë vërejtjet si Qeveri.
Ai në takimin e fundit në Bruksel, ku kishte dështuar marrëveshja për targat ka thënë se kishte pranuar propozimin e Borrelit për targat me kushtin që të nisin bisedimet për këtë plan.
Draftet e këtij plani ende zyrtarisht nuk janë bërë publike./Tëvë1/
