I ftuar në emisionin “Këndi i Debatit” në Tëvë 1, kreu i partisë më të madhe opozitare thotë se Lëvizja Vetëvendosje që nga themelimi ka qenë mosbesuese në shtetin e Kosovës dhe në krijimin e tij.
“Për një periudhë shumë të gjatë, së paku një dekadë ka pasur vetëm një model të opozitarizmit, model i Lëvizjes Vetëvendosjes, që ka qenë skajshmërisht agresiv dhe antishtetërorë. Prej gjenezës së ekzistencës së vetë, ka qenë anti-shtetëror, prej kur është themelu si pasardhëse e Kanit, VV ka qenë mosbesuese në shtetin e Kosovës, krijimin e shtetit dhe pastaj në krejt etapat e shtetndërtimit.
Dhe metodat e tyre revolucionare kanë qenë të dhunshme me protesta të dhunshme sulme ndaj institucioneve dhe sulmeve fizike ndaj bartëve të institucioneve”, deklaroi ai.
Sipas tij, këto veprime të LVV-së gjatë opozitës kanë dëmtuar shumë procese të vendit, përfshirë edhe dialogun me Serbinë.
Tutje, Krasniqi shton se PDK dëshiron që të ndryshojë “paradigmën e opozitarizmit në Kosovë”.
“PDK dëshiron me ndryshu paradigmën e opozitarizmit në Kosovë, dhe nuk ështe e lehtë e di që është e rëndë, më lehtë është me dalë në rrugë, me sha në Kuvend me bë perfomrmancë në Kuvend, më atraktive por nuk mendoj që është e duhura rrugë, sepse duhet me ofru kompetenca sidomos kur e kemi një Qeveri pa kompetenca’, theksoi ai./teve1.info/
