Kanë mbetur edhe dhjetë ditë deri në mbajtjen e zgjedhjeve të jashtëzakonshme në katër komunat veriore të vendit.
Nga Komisioni Qendror i Zgjedhjeve kanë treguar se tashmë janë bërë të gjitha përgatitjet për këtë proces që pritet të mbahet më 23 prill.
Zëdhënësi i KQZ-së thotë se janë në koordinim edhe me institucionet e sigurisë për mbarëvajtjen e këtyre zgjedhjeve.
Po ashtu, ai tregoi se tashmë janë caktuar ushtruesit e detyrës së zyrtarëve të lartë komunalë për t’i zëvendësuar ata që dhanë dorëheqje pas sulmit ndaj tyre në vitin e kaluar.
Numri i qytetarëve me drejtë vote në këto komuna është 45 mijë e 95, teksa për kryetarë garojnë 11 kandidatë.
Ndërkaq, pjesë e këtyre kandidatëve nuk do të jetë partia më e madhe e komunitetit serb në Kosovë, Lista Serbe.
Kronika e realizuar nga gazetari Lindrit Zejnullahu